Liedtexte | Sessionsbuch 2020
279
Paveier | Heimat es
Text & Musik: Paveier
Pavement Musikverlag
Op d‘r Welt, noch janz neu, klingen aan di Ohr
Kölsche Tön, un die Tön, jo die fings de schön
Un dozo jesellt sich dann Trumm un Blosmusik
Un ding Mam dröck dich janz fess und dann singk se met
Refrain:
Heimat es jo nit bloß e Woot nur
Heimat es do wo du nit abseits stehs
Heimat es die Sprooch un sin die kölsche Leeder
Heimat es do, wo de glöcklich bes.
Un die Zick, die jeiht flöck,
Kita un de Schull
Eetste Liebe, flöck jerannt met ihr
nom Standesamp
Jebootsdaach, Kirmes, Fasteleer,
der Planer es nie leer
Un met jode Fründe fällt et Fiere
jo nit schwer
Refrain
Aan d’r Thek un em Zooch, do kenns du dich us
Us d’r Kneip, met nem Kölsch, do kritt m’r dich schlääch rus
Wenn et eimol en d’r Woch dann Rievkooche ejitt
Su wie fröher bei d’r Mam, dann weed dä Ovend lang
Refrain
Heimat es do, wo du dich uskenns
Heimat es, wo du ding Stroß jehs
Di janz Lääve vun d’r Wieje bes zor Bahre
Heimat es, wo du verstande wees
Heimat es do, wo de glöcklich bes
Heimat es do, wo de glöcklich bes
Do, wo de glöcklich bes