EhrenGarde-Marsch
Text: W. Bodde
Musik: C. Reuter
Fresch op ehr Reitermänner all,
halt stramm üch un mobil
Un sid, wenn hööt ehr dat Signal,
dobei met Liev und Siel
Dann treckt üch flöck d’r Zabel an.
Dä grön un gäle Rock,
Un röstig, löstig geit et dran,
Wenn sich der Griesgram mock.
All’ sin us Rand und Band.
Wenn röf der Kommandant:
Refrain:
Rubbedidupp! Gardiste op de Päd!
Rubbedidupp! Ganz Kölle eß aläät!
Dann dürfe mer nit fähle
Vom EhrenGarde-Korps
Rubbedidupp! Wenn blös et zum Appell,
Rubbedidupp! Dann sin mer all zor Stell,
Dann stonn mer Grön un Gäle
Zor Jungfrau un zum Boor!
Rubbedidupp!
Wenn Rusemondag dann em Glanz, der Zog durch Kölle trick,
Dann prächtig un met Eleganz de EhrenGarde rick.
Un alles jubelt wo se kütt un röf begeistert zo:
Dem kölsche Boor sing stramm Elit, hurra, do kütt se jo.
Em kölsche Fasteleer se eß un bliev en Zeer
Refrain:
Rubbedidupp! Gardiste op de Päd!…
Su stolz wie jeder Reiter eß, su stramm eß hä ’em Deenz;
Zu jeder Zick eß hä geröß un fingk et för et schöns
Wenn blös de Trumpett zor Attack, dann schleit et Hätz vör Freud,
Bes dat dat laus’ge Hackepack, der Griesgram eß verbleut.
Un stolz weht die Standard vun unser Ehrengard’!